Vil du sitje i førarsetet på ein særs spennande jobb?

Ein jobb med moglegheiter for å få til viktige resultat for Kviteseid kommune og Kviteseidsamfunnet?

Me søkjer prosjektleiar for utviklingsprosjekt

Kviteseid kommune har etter vedtak i fylkestinget fått status som omstillingskommune for kommunar som har utfordringar i arbeidsmarknaden sin og som ynskjer å:

· Bidra til å skape nye og sikre eksisterande arbeidsplassar

· Bidra til eit meir robust og variert næringsliv

· Bidra til å auke utviklingsevna hos næringslivet og kommunen

Omstillingsprogrammet er eit tre-årig prosjekt med moglegheit for forlenging i ytterlegare tre år i perioden 2024 -- 2030.

Her har du ein unik moglegheit til å vera med å gjera ein svært viktig forskjell med stor betydning for framtida.

Arbeidsoppgåver

· Leie arbeidet med omstillingsprogrammet i samarbeid med lokale, regionale og nasjonale aktørar

· Utvikle og fylgje opp strategisk plan for omstillingsarbeidet. Utvikle aktivitetar og prosjekt i tråd med årleg handlingsplan

· Sikre engasjement gjennom ein involverande prosess i ulike fasar av prosjektet

· Byggje omdømme og samspel mellom kommunen og lokalsamfunnet gjennom aktivt informasjonsarbeid

· Kommunisere og rapportere framdrift og resultat i relevante fora

Kvalifikasjonar

· Relevant høgare utdanning på bachelor- eller masternivå. Relevant erfaring kan kompensere for utdanningskravet

· Utdanning og/eller erfaring frå prosjektleiing

· Det er ynskjeleg at du har erfaring frå utviklingsarbeid innan privat eller offentleg sektor og innsikt i det offentlege verkemiddelapparatet

· God kompetanse i bruk av digitale verktøy

· Kjenner til ulike sosiale media og er trygg med å bruke desse aktivt

Personlege eigenskapar

· Du er og kan jobbe sjølvstendig. Du kan og samarbeide med andre

· Du er utåtvend og kjem lett i kontakt med folk

· Du er proaktiv og er ein samlande prosjektleiar

· Du er uredd og er ikkje redd for å oppsøkje ulike miljø

· Du er drivande og likar svært godt å få til resultat

· Du klarar å levere på tid, etter avtale

· Du er ryddig og jobbar strukturert

Det blir lagt vekt på erfaring frå informasjonsarbeid og evna til å kommunisere med ulike brukargrupper.

Me tilbyr

· Godt arbeidsmiljø

· Konkurransedyktig løn

· Ein særdeles sjeldan moglegheit i utfordrande tider for kommunar

Du kan slkje frå denne linken: Søknad på stilling (VT-1) (kf.no)

SØKNADSFRIST: 11. februar 2024

Om arbeidsgiveren:

Om Kviteseid kommune:

Kviteseid kommune ligg i Vest-Telemark og har knapt 2 500 innbyggjarar. Kommunen har flott natur og eit allsidig turisttilbod, både sommar og vinter. I tillegg til eit aktivt jordbruk er det ulike former for næringsverksemd, mellom anna med over 50 kompetansearbeidsplassar i Vest-Telemark næringspark. Kommunen legg til rette for bustadbygging og næringsutvikling.

Kommunen har to oppvekstsenter, idrettshall og kunstgrasbane. Kommuneadministrasjonen held til i Kviteseidbyen.